Ewaluacija WITAJ-skupin w pěstowarnjach Delnjeje Łužicy

 

Zamołwita: Gunda Heyderowa

Cil: Rěčny staw a rěčne wuwiće WITAJ-dźěći w předšulskim wobłuku kaž tež kwalitu realizowanja metody imersije přez kubłarki dokumentować. Wuwiwaja so koncepcije za posrědkowanje serbšćiny w předšulskim wobłuku pod wosebitym wobkedźbowanjom rozdźělnych ramikowych wobstejnosćow.

Předmjet: Přepytowanje přewjeduje so wot lěta 2003 we wšitkich WITAJ-skupinach pěstowarnjow Delnjeje Łužicy.

Přewjedźenje: W serijach wjacednjowych hospitacijow so spontane wuprajenja wuzwolenych dźěći w druhej rěči dokumentuja a analyzuja. Rěčne kmanosće kubłarkow  a nałožowanje metodiskich srědkow so wobkedźbuja a wuhódnoća. Tež interviewy so z kubłarkami přewjeduja.

Wuslědk: Při wuhódnoćenju nazběranych datow leži hłowny zajim na sćěhowacych za praksu relewantnych ćežišćach:

  • Postupuje rěčne wuwiće dźěći kontinuujo?
  • Kotre faktory wuskutkuja so negatiwnje na přiswojenje druheje rěče?
  • Su dźěći derje na bilingualnu wučbu přihotowane?
  • Kotre didaktiske materialije k podpěrje realizowanja metody dospołneje imersihje měli so wot Rěčneho centruma WITAJ w přichodźe nadźěłać?
  • Kak móhło so wukubłanje a dalekubłanje kubłarkow optimalizować?
  • Kajki wliw matej čas a intensita dwurěčneho kubłanja na rěčne wuwiće dźěći?