Nawod internatow

 

Rěčny centrum WITAJ wobhospodaruje internataj, kotrejž stej Serbskemu gymnazijej Budyšin a Delnjoserbskemu gymnazijej Choćebuz přizamknjenej. Wobě šuli stej w swojim profilu jónkrótnej a jeničke hornjo- resp. delnjoserbske gymnazialne kubłanišćo serbskeho ludu. Internatnym wobydlerjam přizwola Załožba za serbski lud swojim směrnicam wotpowědujo přiražki k přebywanju a zastaranju w internaće.

Internat skića šulerjam móžnosć, so aktiwnje na kulturno-duchownym žiwjenju města Budyšin resp. Choćebuz wobdźěleć a wšitke towaršnostno-kulturne poskitki serbskich a dalšich institucijow městow wužiwać. Přez zhromadne bydlenje je jim pak tež móžno, serbske kulturne wjerški sami wuhotować, serbske nałožki a kulturu hajić a tak gymnazij a internat k zarjadowanskej platformje za towaršnostne žiwjenje sčinić. Na tamnej stronje skićitej serbska rěč a kultura młodostnym šansu, so cuzym kulturam wotewrěć a so w swěće orientować, štož polěkuje zaso jich powołanskim móžnosćam w přichodźe.

Internataj