Wědomostne dźěło

 

Nadawk wědomostnych sobudźěłaćerjow Rěčneho centruma WITAJ w Budyšinje a Choćebuzu je w prěnim rjedźe, serbskorěčne kubłanje w pěstowarnjach a šulach wědomostnje přewodźeć, rěčnopolitiske cile wudźěłować a koncepcionelne dźěło wukonjeć. Jako wójmidło mjez pěstowarnjemi a šulemi kaž tež statnymi kubłanskimi institucijemi so wo to prócujemy, ramikowe wuměnjenja za serbskorěčne kubłanje polěpšeć.
 
Hłowne nadawki nastupajo serbskorěčne kubłanje w pěstowarnjach:
  • rozšěrjenje serbskorěčneho kubłanja w pěstowarnjach, předewšěm přez zawjedźenje imersiwneho rěčneho poskitka po modelu WITAJ
  • podpěra nošerjam pěstowarnjow při zawjedźenju a realizaciji modela WITAJ a druhich formow serbskorěčnych poskitkow
  • přewod kubłarkow nastupajo didaktiku a metodiku při posrědkowanju rěče
  • informowanje staršich wo modelu WITAJ respektiwnje wo metodźe imersije
  • optiměrowanje serbskorěčneho kubłanja w pěstowarnjach
  • ewaluacija rěčneho wuwića na projekće WITAJ wobdźělenych dźěći
  • dalekubłanje kubłarkow a kubłarskeho dorosta
  • přednoškowe a wozjewjerske dźěło
  • koncepcionelne dźěło
  • nadźěłanje didaktiskich materialijow za pěstowarsku potrjebu
 
Hłowne nadawki nastupajo serbskorěčne kubłanje w šulach:
  • optiměrowanje serbskorěčneho kubłanja w šulach, mjez druhim po koncepcijomaj 2plus (Hornja Łužica) a WITAJ (Delnja Łužica)
  • ewaluacija rěčnych zamóžnosćow na wučbje serbšćiny wobdźělenych šulerjow
  • koncepcionelne dźěło
  • přednoškowe a wozjewjerske dźěło

 

Wědomostne projekty